پاکستان میڈیکل اینڈ ڈینٹل کونسل (پی ایم ڈی سی) نے میڈیکل اور ڈینٹل طلبا کے لیے امتحانات میں کامیابی کے نمبروں اور حاضری سے متعلق اپنے پچھلے سخت فیصلے واپس لے لیے ہیں۔
پی ڈی ایم اے کی 5 نومبر تک پنجاب میں بارشوں کی پیشگوئی
نوٹیفکیشن کے مطابق میڈیکل اسٹوڈنٹس کے لیے پاسنگ مارکس دوبارہ 50 فیصد مقرر کر دی گئی ہیں اور حاضری کی شرط 75 فیصد برقرار رکھی گئی ہے۔ اس سال کے آغاز میں پی ایم ڈی سی نے پاسنگ مارکس 65 فیصد اور حاضری 85 فیصد تک بڑھا دی تھی، لیکن اب یہ فیصلے منسوخ کر دیے گئے ہیں۔ نئے نوٹیفکیشن میں سابقہ نوٹیفکیشنز (31 جنوری، 10 فروری، اور 15 اپریل 2025) کو بھی کالعدم قرار دیا گیا ہے۔
یہ نیا فیصلہ تعلیمی سیشن 2024-2025 پر لاگو ہوگا۔ مستقبل میں داخلوں کے لیے تجویز ہے کہ پاسنگ مارکس اور حاضری دونوں میں 5 فیصد اضافہ کیا جائے، جسے یونیورسٹیوں اور دیگر اسٹیک ہولڈرز سے مشاورت کے بعد حتمی شکل دی جائے گی۔
پی ایم ڈی سی نے تمام میڈیکل اور ڈینٹل جامعات کو ہدایت کی ہے کہ وہ نئے قواعد و ضوابط پر فوری عمل درآمد یقینی بنائیں۔ اس سے طلبا کے لیے تعلیمی تقاضے نسبتاً آسان ہو گئے ہیں، اور یہ فیصلہ طلبا تنظیموں اور یونیورسٹیوں کی تجاویز کے بعد کیا گیا ہے۔
