لاہور ہائیکورٹ نے 69 لاکھ روپے کے چیک باؤنس مقدمے میں سزا پانے والے ملزم شمیم اسلم کو بری کر دیا ہے۔
فون ہیک ہو سکتا ہے، گوگل کی بڑی وارننگ
عدالت نے اپنے فیصلے میں کہا کہ ہر ڈس آنر چیک فوجداری جرم نہیں بنتا جب تک بدنیتی ثابت نہ ہو۔ جسٹس صداقت علی خان نے شمیم اسلم کی نظرثانی اپیل منظور کرتے ہوئے ٹرائل کورٹ کی جانب سے دی گئی تین سال قید اور 20 ہزار روپے جرمانے کی سزا کالعدم قرار دی۔
فیصلے میں عدالت نے یہ بھی کہا کہ چیک باؤنس کا مقدمہ ایک سال سے زائد تاخیر سے درج کیا گیا، جبکہ تاخیر کی کوئی معقول وجہ پیش نہیں کی گئی۔ مدعی نے رقم کی وصولی کے لیے کوئی سول دعویٰ بھی دائر نہیں کیا، اور اگر رقم واقعی واجب الادا ہوتی تو سول عدالت سے رجوع کیا جاتا۔
عدالت نے ملزم کو شک کا فائدہ دیتے ہوئے تین سال قید اور جرمانے کو کالعدم قرار دیا اور اسے بری کر دیا۔
