پاکستان اور افغان طالبان کے درمیان مذاکرات کا دوسرا اور اہم دور آج ترکیہ میں ہوگا۔
ترجمان دفتر خارجہ طاہر اندرابی اور افغانستان میں طالبان حکومت کے ترجمان ذبیح اللّٰہ مجاہد نے استنبول میں ہونے والے مذاکرات کی تصدیق کی ہے۔
ترجمان دفتر خارجہ کا کہنا ہے کہ استنبول مذاکرات میں افغانستان سے دہشت گرد گروہوں کے خاتمے پر مزید بات ہوگی، دوحہ مذاکرات میں ایک دستاویز پر اتفاق رائے سے دستخط ہوئے۔
ترجمان کا کہنا ہے کہ افغان طالبان حکومت اسے معاہدہ کہتی ہے یا نہیں اس سے فرق نہیں پڑتا، دوحہ میں پاک افغان مذاکرات کے بعد افغان سرحد سے کوئی بڑا دہشت گردی کا واقعہ نہیں ہوا، یہ مذاکرات کی کامیابی کا نتیجہ ہے۔
ترجمان طالبان ذبیح اللّٰہ مجاہد کا کہنا ہے کہ مذاکرات کے لیے نائب وزیرِ داخلہ حاجی نجیب کے قیادت میں افغان وفد ترکیہ کے لیے روانہ ہوگیا ہے، واضح رہے کہ قطر اور ترکیہ کی ثالثی میں مذاکرات کا پہلا دور دوحہ میں ہوا تھا۔
