1400 فٹ بلند عمارت پر امن کا پرچم لہرانے والے انفلوئنسر نے خاتون کو شادی کی پیشکش بھی کر دی
خبر ایجنسی کے مطابق ایک مرد اور خاتون انفلوئنسر نے 1400 فٹ بلند عمارت پر چڑھ کر امن کا پرچم لہرایا۔ پرچم پر یہ عبارت درج تھی: "جب محبت کی طاقت، طاقت کی محبت پر غالب آ جائے گی تو دنیا امن کا گہوارہ بن جائے گی”۔
ایران امریکہ مذاکرات کا اگلا دور شہید خامنہ ای کی آخری رسومات کے بعد ہوگا
رپورٹ کے مطابق دونوں افراد نے چہروں پر ماسک پہن رکھے تھے اور اس مہم کا مقصد عالمی توجہ حاصل کرنا تھا۔ بلند عمارت پر بینر لہرانے کے بعد مرد انفلوئنسر نے خاتون کو شادی کی پیشکش بھی کی، جس نے اس منفرد اور خطرناک مہم کو مزید دلچسپ بنا دیا۔
اس واقعے کی تصاویر اور ویڈیوز سوشل میڈیا پر تیزی سے وائرل ہو رہی ہیں اور صارفین اس غیر معمولی اقدام پر مختلف ردعمل کا اظہار کر رہے ہیں۔
