برطانیہ نے ایران اور امریکا کی کشیدگی کے باعث قطر میں لڑاکا طیارے تعینات کر دیے ہیں۔
برطانوی میڈیا کے مطابق برطانوی فضائیہ نے قطر میں چار ٹائفون لڑاکا طیارے تعینات کیے ہیں۔ اس حوالے سے برطانوی وزارت دفاع نے بتایا کہ قطر میں لڑاکا طیارے دفاعی مقصد کے تحت بھیجے گئے ہیں۔
پاکستان نے ایران مخالف قرارداد کیخلاف ووٹ دیکر جرأت مندانہ اقدام کیا، ایرانی سفیر
گزشتہ روز ائیر فورس ون میں صحافیوں سے گفتگو کرتے ہوئے صدر ٹرمپ نے کہا تھا کہ ہماری بڑی فورس ایران کی جانب رواں دواں ہے۔ بہت سے جہاز ایران کی طرف جا رہے ہیں اور ہم ایران کے قریب احتیاطی طور پر فورس تعینات کر رہے ہیں۔ انہوں نے کہا کہ دیکھتے ہیں کہ آگے کیا ہوتا ہے۔
اس سے قبل صدر ٹرمپ نے کہا تھا کہ وہ ایران کے خلاف مزید فوجی کارروائی نہیں کریں گے، تاہم اگر ایران نے اپنا جوہری پروگرام دوبارہ شروع کیا تو امریکا جواب دے گا۔
اس کے ساتھ ہی یہ اطلاع بھی آئی ہے کہ امریکا نے ایران کی جانب بڑی فورس روانہ کر دی ہے، جس میں جنگی بحری جہاز اور طیارے شامل ہیں۔
