امریکی صدر نے یورپی یونین کے رہنماؤں سے مطالبہ کیا ہے کہ وہ بھارت اور چین سے آنے والی مصنوعات پر سو فیصد ٹیرف عائد کریں تاکہ روس سے تیل خریدنے پر ان دونوں ممالک پر دباؤ ڈالا جا سکے، امریکی صدر نے یہ بات ایک اعلیٰ سطحی میٹنگ میں کہی جہاں انہوں نے واضح کیا کہ امریکا بھی تیار ہے، لیکن وہ تب ہی یہ قدم اٹھائے گا جب یورپی اتحادی اس میں اس کا ساتھ دیں گے۔ اس سے قبل امریکا بھارت پر پچاس فیصد اور چین پر تیس فیصد ٹیرف عائد کر چکا ہے، اور نئی تجویز کے مطابق چینی مصنوعات پر مزید تیس فیصد جبکہ چین سے درآمد ہونے والی امریکی اشیا پر دس فیصد اضافی ٹیرف لگایا جائے گا۔ ماہرین کے مطابق اگر یہ اقدامات کیے گئے تو بھارت اور چین سے امریکا آنے والی بہت سی مصنوعات مہنگی ہو جائیں گی اور ان کے ساتھ تجارتی تعلقات میں مزید کشیدگی پیدا ہو سکتی ہے۔
