شیخ رشید کو بیرون ملک جانے کی اجازت دے دی گئی

لاہور ہائیکورٹ راولپنڈی بینچ نے عوامی مسلم لیگ کے سربراہ شیخ رشید احمد کو بیرون ملک سفر کی اجازت دے دی۔ جسٹس صداقت علی نے شیخ رشید کی جانب سے دائر درخواست منظور کرتے ہوئے فیصلہ سنایا۔
موبائل انٹرنیٹ ڈیٹا سروس معطل

سماعت کے دوران شیخ رشید احمد اپنے وکیل سردار عبدالرازق کے ہمراہ عدالت میں پیش ہوئے۔ وکیل نے مؤقف اختیار کیا کہ عدالت نے پہلے ہی شیخ رشید کا نام ایگزٹ کنٹرول لسٹ سے نکال دیا تھا، مگر اب ان کا نام دوبارہ پاسپورٹ کنٹرول لسٹ اور پی این آئی ایل میں شامل کر دیا گیا ہے۔

وکیل نے مزید کہا کہ آئین کے مطابق ہر شہری کو بیرون ملک جانے اور آزادانہ نقل و حرکت کا حق حاصل ہے۔ ایف آئی اے نے عدالت کو بتایا کہ شیخ رشید کا نام انسداد دہشت گردی عدالت کے حکم پر پاسپورٹ کنٹرول لسٹ میں شامل کیا گیا تھا۔

سماعت کے دوران جسٹس صداقت علی نے ریمارکس دیتے ہوئے کہا کہ شیخ رشید کو عمرے کے لیے جانے دیں، وہ دعا کریں گے تو ملک کے حالات بہتر ہو جائیں گے۔