گوگل نے اپنی مقبول سروس میپس کو جیمنائی اے آئی ایپ کا حصہ بنا دیا ہے۔ اس کے لیے کمپنی نے ایک میپ ٹول جیمنائی کا حصہ بنایا ہے اور فی الحال یہ سہولت صرف موبائل پر دستیاب ہے۔
اینڈرائیڈ اتھارٹی کی رپورٹ کے مطابق اس ٹول کی آزمائش فروری 2026 سے کی جا رہی تھی اور اب جاکر اینڈرائیڈ اور آئی او ایس ڈیوائسز میں متعارف کرایا گیا ہے۔ یہ نیا ٹول فوٹوز، کیمرا، اواتار، فائلز، ڈرائیو اور نوٹ بکس کے ساتھ نظر آتا ہے۔
کوچ سے اختلافات، رونالڈو کے ٹیم چھوڑنے پر پرتگال ٹیم کے 20 لاکھ انسٹا فالوورز کم ہوگئے
جب آپ جیمنائی میں اس ٹول کو سلیکٹ کرتے ہیں تو آپ کی لوکیشن ایک میپ میں نظر آتی ہے اور آپ کے اردگرد کے علاقے کے گرد دائرہ بنا نظر آتا ہے۔ آپ اس میں زوم ان اور آؤٹ کرکے مخصوص جگہ کو سرچ کرسکتے ہیں جبکہ آپ نیچے موجود ایکسپلور دی ایریا آپشن پر بھی کلک کرسکتے ہیں۔
اس آپشن پر کلک کرنے پر میپ ایریا لوکیشن لیبل نظر آتا ہے جس کے بعد آپ جیمنائی سے کسی مقام کے بارے میں پوچھ سکتے ہیں۔ جیسا اوپر درج کیا جاچکا ہے کہ یہ میپ ٹول ابھی جیمنائی کی موبائل ایپ پر ہی دستیاب ہے، مگر اس بات کا امکان ہے کہ یہ بہت جلد اسے ڈیسک ٹاپ کے لیے بھی متعارف کرا دیا جائے۔
