وفاقی وزیر داخلہ سینیٹر محسن نقوی نے کہا ہے کہ عمران خان کے علاج کے معاملے پر پی ٹی آئی قیادت بھرپور سیاست کر رہی تھی، حالانکہ علاج کی سہولت فراہم کرنے کے لیے ہر ممکن انتظام کیا گیا۔ انہوں نے بتایا کہ پی ٹی آئی کے تجویز کردہ ڈاکٹرز کو میڈیکل بورڈ میں شامل کیا گیا اور بانی پی ٹی آئی کا مکمل معائنہ کیا گیا، جس میں ان کے ڈاکٹروں نے بھی تسلی ظاہر کی۔
دنیا کے طاقتور ترین پاسپورٹس کی فہرست میں پاکستان کی درجہ بندی میں بہتری
محسن نقوی نے کہا کہ علیمہ خان نے معاملے کو ویٹو کر دیا، جس کی وجہ سے میڈیکل چیک اپ میں تاخیر ہوئی، اور کچھ سیاسی رہنماؤں نے اسے اپنے مفاد کے لیے استعمال کرنے کی کوشش کی۔ انہوں نے واضح کیا کہ بانی پی ٹی آئی کے علاج میں تمام سرکاری اور نجی ڈاکٹرز بہترین سہولیات فراہم کر رہے ہیں، اور کسی بھی قیدی کو علاج کی ضرورت ہو تو یہ حکومت کی ذمہ داری ہے۔
وزیر داخلہ نے کہا کہ اسلام آباد کے ریڈ زون میں حالیہ صورتحال کو بھی خوش اسلوبی سے سنبھالا گیا، اور عدالتی فیصلے کے مطابق سڑکیں بحال کی جائیں گی۔ انہوں نے عوام کو گمراہ کرنے کی کوشش کرنے والوں پر بھی تنقید کی۔
