پاکستان سے پولیو کے سدباب کیلئے بل گیٹس کی قابل قدر خدمات یاد رکھی جائیں گی : وزیراعظم

اسلام آباد: وزیراعظم شہباز شریف سے گیٹس فاؤنڈیشن کے صدر برائے عالمی ترقی کرس ایلیاس نے ملاقات کی، جس دوران پاکستان کو پولیو سے پاک کرنے کے لیے آگاہی مہم تیز کرنے کا فیصلہ کیا گیا اور وزارت صحت کو سفارشات مرتب کرنے کی ہدایت دی گئی۔

پنجاب بیوروکریسی میں بڑے پیمانے پر تبادلے

ملاقات میں وزیراعظم نے کہا کہ پاکستان سے پولیو کے خاتمے کے لیے بل گیٹس کی خدمات ہمیشہ یاد رکھی جائیں گی اور مسلم برادری ممالک کے تعاون کے بھی مشکور ہیں۔ حکومت پولیو کے خاتمے کے لیے جامع حکمت عملی اور موثر ٹیم کے ساتھ عملی اقدامات کر رہی ہے اور پاکستان سے اس بیماری کے جلد مکمل خاتمے کے لیے پرعزم ہے۔ وزیراعظم نے کہا کہ حکومت پولیو ٹیموں کی ہر جگہ رسائی ممکن بنانے کے لیے کام کر رہی ہے۔

گیٹس فاؤنڈیشن کے صدر برائے عالمی ترقی نے کہا کہ پاکستان کے انسداد پولیو کے عملی اقدامات کو بہت قدر کی نگاہ سے دیکھا جاتا ہے اور ملک پولیو کے مکمل خاتمے میں کامیابی کی جانب گامزن ہے۔ انہوں نے کہا کہ وفاقی و صوبائی حکومتوں اور متعلقہ اداروں کے ساتھ انسداد پولیو پر مشاورت جاری رہے گی۔