لاہور میں وفاقی وزیر ریلوے محمد حنیف عباسی کی جانب سے ریلوے پولیس کانسٹیبل راؤ شریف کے لیے ایمانداری کی اعلیٰ مثال قائم کرنے پر انعام کا اعلان کر دیا گیا ہے۔ وفاقی وزیر ریلوے نے کانسٹیبل راؤ شریف کو ایک لاکھ روپے دینے کا اعلان کیا ہے اور یہ انعامی رقم وہ اپنی جیب سے ادا کریں گے۔ وفاقی وزیر محمد حنیف عباسی نے ریلوے پولیس اہلکار کو خراجِ تحسین پیش کرتے ہوئے کہا کہ راؤ شریف جیسے ایماندار اور فرض شناس لوگ ریلوے کا اصل چہرہ ہیں، کیونکہ ایمانداری اور فرض شناسی ہی ریاستی اداروں کی اصل طاقت ہوتی ہے۔
طلاق کے بعد نیا ہنگامہ، عماد وسیم کی مبینہ گرل فرینڈ نائلہ راجہ کا بیان سامنے آ گیا
وزیر ریلوے کا مزید کہنا تھا کہ ریلوے پولیس اہلکار کا یہ عمل عوام کے اعتماد کو مزید مضبوط کرنے کا باعث بنے گا۔ واضح رہے کہ کانسٹیبل راؤ شریف نے ٹرین سے ملنے والے 38 لاکھ روپے اصل مالک کو تلاش کر کے واپس کیے تھے۔ یہ رقم سے بھرا بیگ کراچی کے ایک تاجر محسن کا تھا، جسے روہڑی اسٹیشن پر بحفاظت اصل مالک کے حوالے کر دیا گیا تھا۔
