ملک بھر میں عام انتخابات 2024 کے لیے ووٹنگ کا وقت ختم ہونے کے بعد ووٹوں کی گنتی جاری ہے اور ساتھ ہی غیرحتمی و غیرسرکاری نتائج آنے کا سلسلہ جاری ہے۔
اے آر وائی نیوز نے ذمہ دارانہ رپورٹنگ کرتے ہوئے مستند نتائج ناظرین تک پہنچانے کی روایت کو برقرار رکھا ہے۔ ملک بھر سے اے آر وائی نیوز کو ابتدائی نتائج موصول ہو رہے ہیں۔
این اے 44 ڈی آئی خان کے 30 پولنگ اسٹیشن کے غیر حتمی غیر سرکاری نتیجے کے مطابق آزاد امیدوار علی امین گنڈا پور 3215 ووٹ لے کر آگے ہیں۔
جے یو آئی کے مولانا فضل الرحمان 3176 ووٹ لے کر دوسرے نمبر پر موجود ہیں جبکہ پیپلزپارٹی کے فیصل کریم کنڈی 3098 ووٹ لے کر تیسرے نمبر پر موجود ہیں۔
