خیبر پختونخوا حکومت کو 15 سال میں وفاق سے 8400 ارب روپے سے زائد ملے، وزارت خزانہ نے دستاویز جاری کردی

وزارت خزانہ نے خیبرپختونخوا حکومت کو ملنے والے وفاقی فنڈز کے حوالے سے دستاویز جاری کی ہے، جس میں بتایا گیا ہے کہ صوبے کو پچھلے 15 سالوں میں وفاق سے 8,400 ارب روپے سے زائد فنڈز ملے ہیں۔

توشہ خانہ ٹو کیس میں عمران خان اور بشریٰ بی بی کی سزا کب شروع ہوگی؟ عطا تارڑ کا بیان سامنے آگیا

دستاویز کے مطابق 2010 سے این ایف سی کے تحت خیبرپختونخوا کو 5,867 ارب روپے موصول ہوئے، اور صوبے کے کسی فنڈز باقی نہیں ہیں۔ دہشت گردی کے اضافی بوجھ کے لیے صوبے کو ایک فیصد اضافی فنڈ بھی دیا گیا، جس کی کل رقم 705 ارب روپے ہے۔ نئے ضم شدہ اضلاع کے لیے 2019 سے اب تک 704 ارب روپے بھی فراہم کیے گئے ہیں۔

وزارت کے مطابق 17 دسمبر 2025 تک خیبرپختونخوا کو 46 ارب روپے سے زائد فنڈز جاری کیے جا چکے ہیں۔ یہ دستاویز اس وقت جاری کی گئی ہے جب وزیراعلیٰ خیبرپختونخوا سہیل آفریدی نے دعویٰ کیا تھا کہ صوبے کو وفاق سے صرف 2,200 ارب روپے ملے ہیں۔