ہالی ووڈ کے نامور اداکاروں اور فلم سازوں سمیت 3900 سے زائد فنکاروں نے اسرائیلی فلمی اداروں کے بائیکاٹ کا اعلان کر دیا ہے۔
بائیکاٹ کرنے والوں میں ایما اسٹون، ٹلڈا سوئٹن، سوزن سرینڈن اور مارک رفالو جیسے عالمی شہرت یافتہ فنکار بھی شامل ہیں۔
فنکاروں کا کہنا ہے کہ وہ اسرائیلی فلمی اداروں کے ساتھ کسی قسم کا تعاون نہیں کریں گے۔ ان کے مطابق یہ اقدام غزہ میں جاری نسل کشی اور انسانی حقوق کی سنگین خلاف ورزیوں کے خلاف ایک اصولی مؤقف ہے۔
انہوں نے واضح کیا کہ یہ بائیکاٹ کسی قوم یا مذہب کے خلاف نہیں بلکہ ان اداروں کے خلاف ہے جو ظلم اور نسل پرستی کو بڑھاوا دے رہے ہیں۔
