کراچی(نیوزڈیسک)سندھ گیمز ٹیبل ٹینس ٹورنامنٹ میں کراچی کی مردوں اور عورتوں کی ٹیم نےسونے کا تمغہ حاصل کرلیاجبکہ حیدرآباد کی مردوں اور عورتوں کی دونوں ٹیموں کو فائنل میں شکست ہوگئی ۔
تفصیلات کے مطابق مردوں کے ٹیم ایونٹ میں پہلے میچ میں کراچی کے رضا عباس نے حیدرآباد کے محمد شاہزیب کو ۔ دوسرے میچ میں کراچی کے نعمان زارا نے حیدرآباد کے عبدل رافع کو اور تیسرے میچ میں کراچی کے ارحم بن فرخ نے حیدرآباد کے طحہ بھگیو کو شکست دی ۔
جبکہ عورتوں کے ٹیم ایونٹ میں کراچی کی فاطمہ دانش نے حیدرآباد کی صاحبہ کو ۔ دوسرے میچ میں بشری انور نے حیدرآباد کی لائبہ کو اور تیسرے میچ میں کراچی کی لائبہ یسین نے حیدرآباد کی اشرا کو شکست دیکر کراچی کو سونے کا تمغہ دلوا دیا۔
اس موقع پر سابق قومی ٹیبل ٹینس چیمپئن پرائڈ آف پرفارمنس نازو شکور ۔ سیما کلیم ۔ محمد ابراہیم ناخدا. سندھ ٹیبل ٹینس ایسوسی ایشن کے سیکرٹری محسن سرور ۔ جائنٹ سیکرٹری انجم زیدی ۔ ڈسٹرکٹ اسپورٹس افسر میڈم ہاجرہ نواب ۔ اسماعیل شاہ ۔ فرید علی ۔ حق نواز ۔ عظمت پاشا۔عبید ہادی خان. ڈسٹرکٹ بینظیر آباد کے اسپورٹس افسر رحیم رانا بھی موجود تھے ۔
اول دوئم اور سوئم آنے والی ٹیموں کو غلام یاسین نے انعامات دئیے ۔
