لاہور کے علاقے برکی میں سابق قومی کرکٹر عبدالقادر کے بیٹے سلمان قادر پر گھریلو ملازمہ کو جنسی زیادتی کا نشانہ بنانے کا الزام عائد کیا گیا ہے۔پولیس نے متاثرہ خاتون کی مدعیت میں مقدمہ درج کر کے تفتیش کا آغاز کر دیا ہے۔
ایف آئی آر کے مطابق گھریلو ملازمہ کو سلمان قادر نے فون کر کے جلد کام پر آنے کا کہا، متاثرہ خاتون جب نجی ہاؤسنگ سوسائٹی کے مین گیٹ پر پہنچی تو سلمان قادر نے اسے گاڑی میں بٹھایا اور مبینہ طور پر اپنے فارم ہاؤس لے گیا،
جہاں اس کے ساتھ جنسی زیادتی کی گئی۔ واقعے کے بعد متاثرہ خاتون نے پولیس سے رجوع کیا، جس پر مقدمہ درج کیا گیا۔پولیس حکام کا کہنا ہے کہ مقدمہ متعلقہ دفعات کے تحت درج کر لیا گیا،
شواہد اکٹھے کیے جا رہے ہیں۔ تفتیشی ٹیم نے جائے وقوعہ سے شواہد حاصل کرنے کے ساتھ ساتھ بیانات ریکارڈ کرنے کا عمل بھی شروع کر دیا ہے۔ پولیس کے مطابق کیس کی ہر پہلو سے شفاف تحقیقات کی جائیں گی اور قانون کے مطابق کارروائی عمل میں لائی جائے گی
