پیرس اولمپکس ،جیولین تھروکافائنل مقابلہ کچھ دیر میں شروع ہوگا

پیرس (نیوزڈیسک)پیرس اولمپکس 2024 میں پاکستان کیلئے آج میڈل جیتنے کا آخری موقع ہے، اولمپکس میں جیولن تھرو فائنل آج ہوگا جس میں پاکستانی ایتھلیٹ ارشد ندیم حصہ لیں گے۔

جیولین تھرو کا یہ فائنل پاکستانی وقت کے مطابق رات 11 بج کر 25 منٹ پر شروع ہوگا۔

ورلڈ اتھلیٹکس کی طرف سے فائنل کا تھرو چارٹ جاری کردیا گیا ہے، جس کے مطابق پاکستان کےارشد ندیم چوتھے نمبر پر تھرو کریں گے۔

جیکب ویلڈچ سب سے پہلے تھرو کریں گے، اینڈریسن پیٹرس دوسرے اور ویلکوٹ تیسرے نمبر پر تھرو کریں گے۔

اسی طرح جیولین ویبر پانچویں، جولیس ییگو چھٹے اور ایٹلیٹو لو ساتویں نمبر پر تھرو کریں گے۔

دفاعی چیمپئن بھارت کے نیرج چوپڑا 8ویں نمبر پر تھرو کریں گے، اینڈرین ماردرے نویں، اولیور دسویں، لویز ڈیسیل گیارہویں اور ٹونی کیرینن بارہویں نمبر پر تھرو کریں گے۔

پہلے مرحلے میں تمام 12 ایتھلیٹس تین تین تھرو کریں گے، تیسرے مرحلے کے بعد ٹاپ آٹھ ایتھلیٹ فائنل میں جگہ بنائیں گے۔

فائنل میں پہنچنے والے 8 ایتھلیٹس مزید تین تین تھرو کریں گے۔

ادھرفرانس میں تعینات پاکستانی سفیر نے اپنے ٹوئٹر پر ارشد ندیم کے لئے نیک خواہشات کا ظاہر کیا ہے