سال 2026 کے آسکر نامزدگیوں کا اعلان ہو چکا ہے، اور اس کے انتخابی عمل کی تفصیلات بھی واضح ہیں۔
آسکر کی نامزدگیاں اکیڈمی آف موشن پکچرز آرٹس اینڈ سائنسز (Academy of Motion Picture Arts and Sciences) کے زیر انتظام ہوتی ہیں۔ سب سے پہلے فلموں اور متعلقہ افراد کے نام جمع کرانے کی آخری تاریخ مقرر کی جاتی ہے۔ اس کے بعد ووٹنگ کا عمل شروع ہوتا ہے، جو دو مراحل پر مشتمل ہوتا ہے۔
دبئی: بھارتی شہری نے قرعہ اندازی میں لاکھوں ڈالر جیت لیے
پہلا مرحلہ عام طور پر دسمبر میں ہوتا ہے، جس میں اکیڈمی کے اراکین ووٹ دے کر ہر کیٹیگری میں شارٹ لسٹ تیار کرتے ہیں۔ چند ہفتوں بعد یہ شارٹ لسٹ دوبارہ ووٹنگ کے مرحلے میں جاتی ہے، اس بار باضابطہ نامزدگی کے لیے ووٹنگ ہوتی ہے۔ یہ ووٹنگ تقریباً چار دن تک جاری رہتی ہے، اور حتمی فہرست کا اعلان ایک لائیو ایونٹ میں کیا جاتا ہے۔
آسکر ووٹرز اکیڈمی کے اراکین ہوتے ہیں، جو 20 مختلف شعبوں سے تعلق رکھتے ہیں، جیسے اداکار، ہدایتکار، لکھاری، پروڈیوسر اور ایڈیٹرز۔ ہر رکن صرف اسی شعبے کی کیٹیگری میں ووٹ دینے کے مجاز ہوتے ہیں جس سے ان کا تعلق ہوتا ہے۔ تاہم، وہ اضافی طور پر درج ذیل کیٹیگریز میں بھی ووٹ دے سکتے ہیں:
* بہترین فلم (Best Picture)
* بہترین اینیمیٹڈ شارٹ فلم (Best Animated Short Film)
* بہترین بین الاقوامی فلم (Best International Feature Film)
فاتح کے انتخاب کے مرحلے میں یہ پابندی نہیں ہوتی، اور ہر رکن کسی بھی کیٹیگری میں ووٹ دے سکتا ہے۔
یہ ضروری نہیں کہ ووٹرز نے تمام فلمیں دیکھی ہوں، لیکن کچھ کیٹیگریز جیسے بہترین اینیمیٹڈ شارٹ فلم، بہترین بین الاقوامی فلم اور بہترین لائیو ایکشن شارٹ فلم میں، نامزدگی کے دوسرے مرحلے کے دوران ووٹرز کے لیے شارٹ لسٹ کی تمام فلمیں دیکھنا لازمی ہے۔
98ویں آسکر ایوارڈز کی تقریب 15 مارچ 2026 کو منعقد ہوگی۔
