وزیر مملکت برائے داخلہ طلال چوہدری نے بانی پی ٹی آئی عمران خان کو اسپتال لے جانے کی خبر کی نہ تو تصدیق کی اور نہ ہی تردید کی۔
طلال چوہدری نے کہا کہ اس معاملے پر سنسنی پھیلانے کے بجائے انتظار کیا جائے، حکومت اس حوالے سے تصدیق یا تردید خود کرے گی۔
بحری بیڑا آ رہا ہے، اب معاہدہ کرو یا حملے کا سامنا۔۔ ٹرمپ کی ایران کو دھمکی
انہوں نے کہا کہ اگر یہ خبر درست ثابت ہوتی ہے تو اس سے یہ بات ثابت ہوگی کہ بانی پی ٹی آئی کو صحت سے متعلق جو بھی سہولتیں فراہم کی جانی چاہئیں، وہ دی جا رہی ہیں۔ طلال چوہدری کا کہنا تھا کہ بانی پی ٹی آئی کی صحت اور زندگی سے متعلق پھیلائی جانے والی افواہوں میں کوئی صداقت نہیں، انہیں دیگر قیدیوں کے مقابلے میں زیادہ اور بہتر سہولیات حاصل ہیں۔
وزیر مملکت نے مزید کہا کہ پی ٹی آئی کے پاس اب اڈیالہ جیل کے باہر تھیٹر لگانے کے سوا کوئی کام نہیں بچا اور انہیں نہیں لگتا کہ جیل حکام ملاقات کی اجازت دیں گے۔
واضح رہے کہ گزشتہ روز چیئرمین پی ٹی آئی بیرسٹر گوہر نے کہا تھا کہ ایک خبر سامنے آئی ہے کہ عمران خان کو اسپتال لایا گیا اور پھر واپس جیل لے جایا گیا، تاہم یہ نہیں بتایا جا رہا کہ انہیں کس بیماری کے باعث اسپتال منتقل کیا گیا تھا۔
