آئی ایم ایف کی منیجنگ ڈائریکٹر کرسٹالینا جورجیوا نے وزیراعظم شہباز شریف کی حکومت کی معاشی اصلاحات کی تعریف کی ہے۔
ڈیوس میں عالمی اقتصادی فورم کے موقع پر اظہار خیال کرتے ہوئے انہوں نے کہا کہ وہ وزیراعظم شہباز شریف کی تہہ دل سے عزت کرتی ہیں۔ ان کا کہنا تھا کہ شہباز شریف جب کسی کام کی ٹھان لیں تو اسے مکمل کر کے ہی چھوڑتے ہیں۔
ایران امریکا کشیدگی: برطانیہ نے قطر میں لڑاکا طیارے تعینات کردیے
کرسٹالینا جورجیوا نے کہا کہ ان کی شہباز شریف سے متعدد بار ملاقاتیں ہوئی ہیں۔ ان ملاقاتوں میں پہلے سے متعین کردہ اہداف کے حصول اور ترقی کے مزید اہداف پر گفتگو ہوتی ہے۔ انہوں نے کہا کہ پاکستانی حکومت سنجیدگی سے اصلاحات کا نفاذ کر رہی ہے۔
آئی ایم ایف کی منیجنگ ڈائریکٹر نے کہا کہ حکومتی اقدامات کے مثبت ثمرات موصول ہونے لگ گئے ہیں اور پہلی مرتبہ بجٹ ڈسپلن نظر آ رہا ہے۔ انہوں نے بتایا کہ عوام کی زندگی میں مثبت تبدیلی کے لیے وسائل خرچ کیے جا رہے ہیں۔
