سردیوں کے موسم میں گیس لیکج اور اس سے متعلقہ دھماکوں کے واقعات میں اضافے کے پیش نظر ریسکیو حکام نے عوام کے لیے احتیاطی ہدایات جاری کی ہیں۔
حکام کے مطابق گیس کی بو محسوس ہونے پر فوری طور پر بجلی کے سوئچ نہ دبائیں اور نہ ہی کسی قسم کی آگ جلائیں۔ ایسی صورت میں گھر کے تمام دروازے اور کھڑکیاں کھول دیں اور اہل خانہ کو فوراً محفوظ مقام پر منتقل کریں۔
لاہور؛ کار سوار شہری کو ناکے پر روکنا پولیس اہلکاروں کو مہنگا پڑ گیا
حکام نے ہدایت کی کہ گیس کے پائپوں اور آلات کو باقاعدگی سے چیک کیا جائے، بچوں کو گیس کے آلات سے دور رکھا جائے اور رات کو سونے سے پہلے تمام گیس والے آلات کو درست طریقے سے بند کر دیا جائے۔ انہوں نے زور دیا کہ گیس کے استعمال میں لاپروائی خطرناک ثابت ہو سکتی ہے اور بروقت احتیاط ہی جان بچانے کا ذریعہ ہے۔
کسی بھی حادثے یا ہنگامی صورت حال میں فوری طور پر ریسکیو ہیلپ لائن **1122** پر اطلاع دینے کی اپیل کی گئی ہے، تاکہ بروقت کارروائی کی جا سکے۔
