شفیق آباد پولیس کی جانب سے ایک کار سوار شہری کو رات گئے روکنے اور بے جا پریشان کرنے کا واقعہ سامنے آیا ہے، جس پر فوری کارروائی کرتے ہوئے متعلقہ افسران اور اہلکاروں کو معطل کر دیا گیا ہے۔
ذرائع کے مطابق پولیس اہلکاروں نے ناکے پر ایک شہری کی کار روکی اور چیکنگ کے دوران کار سے ایک پستول برآمد ہوا۔ شہری سے پستول کا لائسنس طلب کیا گیا، جو پیش کرنے کے بعد انہیں رہا کر دیا گیا۔ تاہم شہری نے بعد ازاں اس عمل پر پولیس کے خلاف شکایت درج کرا دی۔
شکایت پر فوری کارروائی کرتے ہوئے ایس ایچ او عاصم حمید، اے ایس آئی اور چار دیگر اہلکاروں کو معطل کر دیا گیا۔ انہیں ہتھکڑیاں لگا کر پولیس لائنز پیش کیا گیا ہے۔ واقعے کی مزید تفتیش جاری ہے۔
