ستھرا پنجاب پروگرام کی شہرت گلف ممالک تک جا پہنچی ہے اور عالمی جریدوں بی بی سی، فوربز اور بلوم برگ کے بعد اب گلف نیوز نے ستھرا پنجاب کو دنیا کا سب سے بڑا ویسٹ مینجمنٹ کا نظام قرار دے دیا ہے۔ گلف نیوز کے مطابق وزیر اعلیٰ مریم نواز نے کلائمیٹ اسمارٹ اربن گورننس میں نیا عالمی معیار قائم کر دیا ہے اور یہ پروگرام ثابت کرتا ہے کہ جدت صرف ترقی یافتہ ممالک تک محدود نہیں۔ اس نظام کے تحت 50 ہزار ٹن کچرا ٹھکانے لگانے کے لیے روزانہ 30 ہزار گاڑیاں اور ڈیڑھ لاکھ ورکرز فیلڈ میں نکلتے ہیں۔
ظلم و فسطائیت کے نظام میں قومیں نہیں صرف سڑکیں بنتی ہیں، وزیراعلیٰ خیبرپختونخوا
گلف نیوز کی رپورٹ میں بتایا گیا ہے کہ ورکرز اور گاڑیوں کی ریئل ٹائم مانیٹرنگ کے ساتھ یہ جامع آپریشن تمام دنیا کے لیے مثالی ہے، جس کے ذریعے ڈیڑھ لاکھ لوگوں کو باعزت روزگار، منصفانہ اجرت، یونیفارم اور سیفٹی اسٹینڈرڈز مہیا کیے جا رہے ہیں۔ ستھرا پنجاب پروگرام کے تحت کنٹریکٹرز کو کے پی آئیز (KPIs) کی بنیاد پر ادائیگی، شفافیت اور کارکردگی میں اضافے کی بہترین مثال ہے۔ مزید برآں، یہ پروگرام مضبوط کمپلینٹس مینجمنٹ سسٹم کے ذریعے عوامی شرکت کو بھی یقینی بنا رہا ہے۔
رپورٹ کے مطابق محمود بوٹی ڈمپ سائٹ پر 5 میگاواٹ سولر پارک اور اربن فارسٹ پر کام جاری ہے، جبکہ مستقبل میں ری سائیکلنگ پلانٹس، 25 میگا واٹ ویسٹ ٹو انرجی منصوبہ اور دیگر ویسٹ ٹو ویلیو پراجیکٹس بین الاقوامی سرمایہ کاروں کی توجہ کا مرکز ہیں۔ یو این ای پی اور جی جی جی آئی کے اشتراک سے کاربن مارکیٹ کے مطابق لینڈفلز کی تیاری بھی جاری ہے، جس سے سالانہ 60 ہزار سے 90 ہزار ٹن کاربن کے اخراج میں کمی ہوگی۔ ستھرا پنجاب مشینری اور ٹیکنالوجی کی مقامی طور پر تیاری سے ملکی مہارت اور لوکل انڈسٹری کو بھی فروغ ملا ہے۔
ایس جی ایس (SGS) سے تصدیق اور آئی ایس او (ISO) سرٹیفیکیشنز کی بدولت پنجاب کو بین الاقوامی سطح پر پذیرائی مل رہی ہے۔ گلف نیوز نے مزید کہا کہ وزیر اعلیٰ مریم نواز نے یہ ثابت کیا ہے کہ گلوبل ساؤتھ بڑے پیمانے پر ٹیکنالوجی سے لیس عوامی خدمات کی فراہمی میں قیادت کر سکتا ہے اور ستھرا پنجاب پروگرام اس بات کی گواہی دیتا ہے کہ مضبوط سیاسی قیادت کس طرح کسی بھی خواب کو حقیقت میں بدل سکتی ہے۔
