مذہبی اسکالر انجینئر محمد علی مرزا نے کہا ہے کہ بانی پی ٹی آئی عمران خان جیل میں بہت فرسٹریٹڈ ہیں، اور 2 سال جیل کاٹنے والے کے لیے فرسٹریٹڈ ہونا غیر معمولی بات نہیں ہے۔ اڈیالہ جیل میں قید رہنے والے مذہبی اسکالر انجینئر محمد علی مرزا نے جیل کے اندر کی تفصیلات بتا دیں۔
اسحاق ڈار کا سعودی وزیرخارجہ سے رابطہ، خطے میں تنازعات کے حل کیلئے مذاکرات پر زور
انجینئر محمد علی مرزا نے کہا کہ عمران خان کو جیل میں محل جیسی سہولیات حاصل نہیں مگر انہیں باہر کی خبروں تک رسائی حاصل ہے، عمران خان کو 2 اخبار ملے ہوئے ہیں اور ان کے کمرے میں ایل ای ڈی بھی لگی ہوئی ہے۔
مذہبی اسکالر انجینئر محمد علی مرزا نے بتایا کہ عمران خان کو رہنے کے لیے 6 چکیاں بھی ملی ہوئی ہیں جن میں سے 5 ان کے اپنے استعمال میں ہیں، جبکہ چھٹی چکی میں ان کا مشقتی رہتا ہے۔ عمران خان صبح 9 بجے ناشتے کے لیے اور دوپہر 3 بجے دوپہر کے کھانے کے لیے دن میں دو بار اپنی چکی سے باہر آتے تھے۔
انجینئر محمد علی مرزا کا کہنا تھا کہ عمران خان کا مشقتی دیسی گھی کے تڑکے لگاتا تھا جس کی خوشبو ہمیں بھی آتی تھی۔ انہوں نے مزید کہا کہ بانی پی ٹی آئی عمران خان جب غصّے میں آتے تو بہت اونچی آواز میں اور مسلسل بولتے تھے۔
