**پاکستان کا یمن میں امن کوششوں کے لیے سعودی عرب اور متحدہ عرب امارات کی حمایت کا اعلان**
پاکستان نے یمن میں حالیہ صورت حال پر گہری نگاہ رکھتے ہوئے جمہوریہ یمن میں امن اور استحکام کے قیام کے لیے مملکت سعودی عرب کی سفارتی کوششوں کی بھرپور حمایت کا اعلان کیا ہے۔ دفتر خارجہ کے ترجمان نے اپنے بیان میں متحدہ عرب امارات کی کاوشوں کو بھی سراہا۔
چیئرمین پی ٹی آئی نے وزیراعظم سے مذاکرات اور ملاقات کے دعوے کو مسترد کردیا
ترجمان نے زور دیتے ہوئے کہا کہ پاکستان یمن کی وحدت اور علاقائی سالمیت کے احترام کی اہمیت پر یقین رکھتا ہے اور امید کرتا ہے کہ یمنی فریقین ایسے کسی بھی یکطرفہ اقدام سے گریز کریں گے جو صورتحال میں مزید کشیدگی کا باعث بن سکتا ہو۔
انہوں نے تمام یمنی جماعتوں سے اپیل کی کہ وہ باہمی اتفاق شدہ نکات کی بنیاد پر جامع اور مذاکراتی سیاسی حل کی طرف خلوص نیت اور تعمیری انداز میں پیش رفت کریں۔ پاکستان امید کرتا ہے کہ سفارتی کوششوں سے یمنی عوام کی مشکلات کا خاتمہ ہوگا اور خطے میں پائیدار امن قائم ہو سکے گا۔
