آئی ایم ایف کا بےنظیر انکم سپورٹ پروگرام کا بجٹ بڑھانے پر اطمینان، مزید اضافے کا مطالبہ

اسلام آباد: عالمی مالیاتی فنڈ (آئی ایم ایف) نے بےنظیر انکم سپورٹ پروگرام (بی آئی ایس پی) کے بجٹ میں اضافے پر اطمینان کا اظہار کیا ہے اور ساتھ ہی اس امدادی پروگرام میں مزید اضافہ کرنے کی سفارش بھی کی ہے۔

آئی ایم ایف کے حکام کے مطابق، بی آئی ایس پی کے بجٹ کو مضبوط کیا گیا ہے، اور اگرچہ بین الاقوامی معیار کے مقابلے میں اس کی رقم کم ہے، تاہم صارفین کی قوتِ خرید برقرار رکھنے کے لیے مراعات میں مناسب اضافہ کیا جا رہا ہے۔

متحدہ عرب امارات میں جنسی جرائم اور جسم فروشی کی سزاؤں میں بڑی تبدیلیاں

رپورٹ میں بتایا گیا کہ آئی ایم ایف نے کفالت امداد کے ذریعے کم آمدنی والے طبقے کی کھپت کو 15 فیصد تک بڑھانے کی تجویز دی ہے اور افراطِ زر کے مطابق پروگرام کی رقم میں ایڈجسٹمنٹ کی بھی سفارش کی ہے۔

عالمی مالیاتی ادارے کے مطابق، بی آئی ایس پی کے بجٹ میں امدادی پروگراموں پر اخراجات میں 20 فیصد اضافہ شامل ہے، جس کے نتیجے میں نقد کیش امداد میں اضافہ ہوگا۔ آئی ایم ایف نے تجویز دی ہے کہ غیر مشروط نقد امداد کی رقم 13,500 روپے سے بڑھا کر 14,500 روپے کی جائے اور کفالت پروگرام میں کم از کم 2 لاکھ مزید خاندان شامل کیے جائیں۔

آئی ایم ایف نے کہا کہ مالی سال 2026 کے اختتام تک مستفید خاندانوں کی تعداد 10.2 ملین تک پہنچ جائے گی، اور نئے گھریلو سروے کے بعد پروگرام کی امداد میں اضافہ کیا جانا چاہیے۔ علاوہ ازیں، کنڈیشنل کیش ٹرانسفر پروگرام کی کوریج میں توسیع اور بجٹ کے مکمل استعمال کی بھی سفارش کی گئی ہے۔