ملک بھر میں میٹرک آرٹس کے طلبہ کو پری میڈیکل اور پری انجینیئرنگ میں داخلے کی اجازت دے دی گئی ہے۔
انٹر بورڈ کوآرڈی نیشن کمیشن نے ملک بھر میں میٹرک آرٹس گروپ کے طلبہ کے لیے انٹر میں پری میڈیکل اور پری انجینیئرنگ گروپس میں داخلے کی منظوری دے دی ہے۔
برطانیہ نے بڑے پیمانے پر جنگی تیاری شروع کردی، امریکا پر انحصار ختم کرنے کا اعلان
آئی بی سی سی کے ترجمان کے مطابق یہ فیصلہ 4 اور 5 دسمبر 2025 کو کراچی میں ہونے والے 183ویں اجلاس میں تمام اسٹیک ہولڈرز کی سفارشات اور مشاورت کے بعد متفقہ طور پر کیا گیا۔ اس فیصلے میں پاکستان انجینیئرنگ کونسل، پاکستان میڈیکل اینڈ ڈینٹل کونسل، ہائر ایجوکیشن کمیشن، نیشنل کریکولم کونسل اور صوبائی کریکولم اتھارٹیز کی آرا شامل تھیں۔
آئی بی سی سی کے ڈائریکٹر نے اس حوالے سے نوٹیفکیشن بھی جاری کر دیا ہے جس کے مطابق یہ پالیسی 2026 کے پہلے سالانہ ایس ایس سی امتحانات سے نافذ العمل ہوگی۔
نوٹیفکیشن میں کہا گیا ہے کہ داخلہ دینے والے ادارے میرٹ کے تقاضے پورے کرنے کے لیے کم از کم نمبروں کی حد مقرر کریں گے اور ضرورت پڑنے پر پلیسمنٹ ٹیسٹ لینے جیسے انتظامات بھی کریں گے۔
