ملک بھر کے شہری رواں ماہ کے اختتام پر مسلسل چار چھٹیوں سے لطف اندوز ہو سکیں گے۔ 25 دسمبر بروز جمعرات ملک بھر میں قائداعظم محمد علی جناح کا یومِ پیدائش اور کرسمس منایا جائے گا، جس کے باعث پورے ملک میں عام تعطیل ہوگی اور سرکاری و نجی ادارے بند رہیں گے۔
مریم نواز کی پنجاب میں سیکیورٹی بڑھانے کی ہدایت، تعلیمی اداروں میں کیمرے اور فرضی مشقیں لازمی
26 دسمبر بروز جمعہ پاکستان کی مسیحی برادری کے لیے اضافی چھٹی کا اعلان کیا گیا ہے تاکہ وہ اپنی مذہبی اور روایتی سرگرمیاں انجام دے سکیں۔ ہفتہ اور اتوار کی معمول کی تعطیلات شامل ہونے سے شہریوں کو ایک ساتھ چار دن کی چھٹیاں میسر آئیں گی، جس سے انہیں آرام کرنے، اہلِ خانہ کے ساتھ وقت گزارنے اور سفر کے مواقع حاصل ہوں گے۔
واضح رہے کہ وفاقی حکومت نے رواں سال کے آغاز میں 2025 کا سالانہ تعطیلات کا کیلنڈر جاری کیا تھا جس میں تمام قومی و مذہبی مواقع کی تعطیلات شامل تھیں، اور اسی کیلنڈر کے تحت 25 اور 26 دسمبر کی تعطیلات پہلے ہی مقرر کی جا چکی تھیں۔
