چیئرمین پیپلز پارٹی بلاول بھٹو زرداری نے انکشاف کیا ہے کہ وزیراعظم کی قیادت میں مسلم لیگ (ن) کے وفد نے صدر مملکت اور ان سے ملاقات کے دوران 27ویں آئینی ترمیم کی منظوری کے لیے پیپلز پارٹی کی حمایت مانگی ہے۔
پی ایس ایل کا معیار بہتر کرنے کیلئے پی سی بی کا نیا اقدام
سماجی رابطے کی ویب سائٹ ایکس پر اپنے بیان میں بلاول بھٹو نے بتایا کہ مجوزہ ترمیم میں آئینی عدالت کے قیام، ایگزیکٹو مجسٹریٹس کی بحالی، اور ججز کے تبادلے کا اختیار شامل ہے۔ اس کے علاوہ این ایف سی ایوارڈ میں صوبوں کے حصے کے تحفظ کے خاتمے اور آرٹیکل 243 میں تبدیلی کی تجویز بھی ترمیم کا حصہ ہے۔
انہوں نے مزید کہا کہ مجوزہ ترمیم کے تحت تعلیم اور آبادی کی منصوبہ بندی جیسے اختیارات وفاق کو واپس دینے کی تجویز دی گئی ہے، جبکہ الیکشن کمیشن کی تقرری سے متعلق جاری تعطل کے حل کو بھی ترمیم میں شامل کیا گیا ہے۔
بلاول بھٹو کے مطابق پیپلز پارٹی کی سینٹرل ایگزیکٹو کمیٹی کا اجلاس 6 نومبر کو طلب کر لیا گیا ہے، جس میں صدر مملکت کے دوحہ سے واپسی کے بعد پارٹی کی حتمی پالیسی کا فیصلہ کیا جائے گا۔
