لاہور کی ضلع کچہری میں عدالت نے پی ٹی آئی کی سوشل میڈیا کارکن فلک جاوید کے جسمانی ریمانڈ میں دو روز کی توسیع کر دی۔
جوڈیشل مجسٹریٹ نعیم وٹو نے نیشنل سائبر کرائم انویسٹی گیشن ایجنسی (NCCIA) کی درخواست پر سماعت کی۔ فلک جاوید کے خلاف ریاست مخالف ٹویٹ سمیت دو مقدمات درج ہیں۔
سماعت کے دوران این سی سی آئی اے نے مؤقف اختیار کیا کہ ملزمہ سے مزید تفتیش درکار ہے، اس لیے جسمانی ریمانڈ میں توسیع کی جائے۔
دلائل سننے کے بعد عدالت نے درخواست منظور کرتے ہوئے فلک جاوید کا دو روزہ جسمانی ریمانڈ بڑھا دیا۔
