اسرائیل میں وزیراعظم نیتن یاہو کی حکومت کے خلاف احتجاجی مظاہرے جاری ہیں، جہاں مظاہرین نے ایک بار پھر دارالحکومت تل ابیب میں جمع ہو کر حکومت مخالف نعرے لگائے۔
تل ابیب کے "ہاسٹیجز اسکوائر” پر جمع ہونے والے مظاہرین نے یرغمالیوں کی فوری رہائی کا مطالبہ کیا۔
شرکاء نے ہاتھوں میں پلے کارڈز اٹھا رکھے تھے جن پر غزہ جنگ کے خاتمے اور یرغمالیوں کی رہائی کے مطالبات درج تھے۔
مظاہرین نے حکومت کو شدید تنقید کا نشانہ بناتے ہوئے کہا کہ دو سال گزرنے کے باوجود یرغمالیوں کی بازیابی اور جنگ کے خاتمے کے لیے کوئی مؤثر اقدام نہیں کیا گیا۔
انہوں نے حکومت پر زور دیا کہ فوری طور پر امن کے لیے ٹھوس اقدامات کیے جائیں اور یرغمال شہریوں کی واپسی کو یقینی بنایا جائے۔
