پاکستانی سنیما کے شائقین کے لیے خوشخبری ہے کہ سپر اسٹار ماہرہ خان اور فواد خان کی مشترکہ فلم نیلوفر کی ریلیز کی تاریخ کا باقاعدہ اعلان کر دیا گیا ہے۔
مداحوں کی پسندیدہ جوڑی کی یہ فلم 28 نومبر 2025 کو دنیا بھر کے سنیما گھروں میں نمائش کے لیے پیش کی جائے گی۔
نیلوفر نہ صرف ماہرہ خان اور فواد خان کو ایک بار پھر بڑی اسکرین پر اکٹھا دکھائے گی بلکہ اس میں مدیحہ امام، بہروز سبزواری، عتیقہ اوڈھو، سمیعہ ممتاز، نوید شہزاد، فیصل قریشی اور گوہر رشید جیسے معروف اداکار بھی شامل ہیں۔
فلم میں ماہرہ خان ایک یادگار کردار میں نظر آئیں گی، جبکہ فواد خان پروفیسر کے کردار میں اپنی اداکاری کے جوہر دکھائیں گے۔ وہ اس فلم کے مرکزی اداکار ہونے کے ساتھ ساتھ اس کے پروڈیوسر بھی ہیں۔
ماہرہ اور فواد خان کی جوڑی پاکستانی ٹیلی ویژن اور فلم بینوں میں ہمیشہ مقبول رہی ہے، اور ان کی یہ فلم ان شائقین کے لیے ایک خاص تحفہ ثابت ہوگی جو طویل عرصے سے دونوں کو دوبارہ ایک ساتھ بڑی اسکرین پر دیکھنے کے منتظر تھے۔
فلم کی عالمی ریلیز سے پاکستانی سنیما کی بین الاقوامی شناخت میں اضافے کی امید کی جا رہی ہے۔
