اسلام آباد کی انسدادِ دہشت گردی عدالت نے پی ٹی آئی رہنماؤں عمر ایوب، شیخ وقاص اکرم اور زرتاج گل کے وارنٹ گرفتاری جاری کرتے ہوئے انہیں گرفتار کر کے پیش کرنے کا حکم دے دیا۔
سنگجانی جلسہ کیس کی سماعت کے دوران عدالت نے قرار دیا کہ تینوں رہنما تاحال کسی سماعت میں پیش نہیں ہوئے۔ عدالت کی سربراہی جج طاہر عباس سپرا نے کی، جنہوں نے عمر ایوب کی حاضری سے استثنا کی درخواست بھی مسترد کر دی۔
سماعت کے دوران پی ٹی آئی رہنماؤں کی جانب سے سردار محمد مصروف خان، آمنہ علی اور مرتضیٰ طوری ایڈووکیٹ پیش ہوئے۔
عدالت نے کیس کی مزید سماعت 20 اکتوبر تک ملتوی کر دی۔
