سمندری طوفان ’شکتی‘ مزید شدت اختیار کر گیا، محکمہ موسمیات نے ماہی گیروں کو الرٹ جاری کر دیا
محکمہ موسمیات کے مطابق بحیرہ عرب میں بننے والا سمندری طوفان ’شکتی‘ مزید شدت اختیار کر چکا ہے۔ طوفان اس وقت *کراچی کے جنوب مغرب میں تقریباً 390 کلومیٹر کے فاصلے پر موجود ہے۔
طوفان نے گزشتہ 12 گھنٹوں کے دوران طاقت میں اضافہ کیا ہے، تاہم ماہرین کا کہنا ہے کہ *اگلے 24 گھنٹوں میں شدت کے بعد یہ بتدریج کمزور پڑنے* کا امکان ہے۔
محکمہ موسمیات نے بتایا کہ *سندھ کے ساحلی اضلاع* میں آندھی، گرج چمک کے ساتھ بارش کا امکان ہے جبکہ *کراچی ڈویژن* کے مختلف علاقوں میں *ہلکی سے درمیانی بارش* متوقع ہے۔
رپورٹ کے مطابق، سمندر میں *شدید طغیانی* کے باعث *ماہی گیروں کو گہرے سمندر میں نہ جانے* کی ہدایت کی گئی ہے۔ *ساحلی علاقوں میں 40 سے 55 کلومیٹر فی گھنٹہ* کی رفتار سے ہوائیں چل سکتی ہیں، جبکہ *طوفان کے مرکز کے اطراف ہواؤں کی رفتار 110 سے 125 کلومیٹر فی گھنٹہ* تک بڑھنے کا امکان ہے۔
محکمہ موسمیات نے مزید خبردار کیا ہے کہ *آئندہ 36 گھنٹوں تک سمندر کی حالت نہایت خراب اور خطرناک* رہنے کا خدشہ ہے۔ متعلقہ اداروں اور انتظامیہ کو *ہائی الرٹ* رہنے کی ہدایت جاری کر دی گئی ہے۔
