(نیوز ڈیسک)موٹروے پولیس M-2 نے فیض پور کے قریب کارروائی کرتے ہوئے چار افراد کو گرفتار کر لیا، جو موٹروے کی حفاظتی باڑ کاٹنے اور درخت چوری میں ملوث تھے۔
ترجمان موٹروے پولیس سید عمران احمد کے مطابق ملزمان نے پولیس کو دیکھتے ہی فرار ہونے کی کوشش کی، تاہم اہلکاروں نے فوری کارروائی کرتے ہوئے انہیں قابو کر لیا۔
گرفتار ہونے والے افراد کے قبضے سے باڑ کاٹنے کے آلات اور ایک رکشہ برآمد ہوا۔ ملزمان کی شناخت عدیل، ارسلان، شاہ زیب اور انصر کے طور پر ہوئی ہے، جو کہ ضلع شیخوپورہ کے رہائشی ہیں۔
ترجمان کا کہنا ہے کہ موٹروے کی باڑ کی کمی کی وجہ سے جانور شاہراہ پر آ سکتے ہیں، جس سے خطرناک حادثات جنم لے سکتے ہیں۔
