ڈائریکٹوریٹ آف مانیٹرنگ سیل قائم ،عوامی شکایات کے ازالے میں کوتاہی برداشت نہیں کی جائے گی : وزیر اعلیٰ مریم نواز

ڈائریکٹوریٹ آف مانیٹرنگ سیل قائم ،عوامی شکایات کے ازالے میں کوتاہی برداشت نہیں کی جائے گی : وزیر اعلیٰ مریم نواز

لاہور ( نیوز ڈیسک) عوام کے تحفظ اور آسانیاں پیدا کرنے کے لیے وزیراعلیٰ مریم نواز کا عزم غیر متزلزل ہے-وزیراعلیٰ پنجاب مریم نواز کی ہدایت پر محکمہ داخلہ میں ڈائریکٹوریٹ آف مانیٹرنگ سیل قائم کردیاگیاہے-محکمہ جیل، سول ڈیفنس، ہائی وے پٹرول اور سیکیورٹی کمپنیز سے متعلق شکایت کے ازالے کیلئے خصوصی ہیلپ لائن1124 قائم کر دی گئی ہے-عوام محکمہ جیل، شہری دفاع، ہائی وے پٹرول اور سیکیورٹی کمپنی سے متعلق رہنمائی یا شکایت کی صورت میں 1124 پر کا ل کرسکتے ہیں -کسی جگہ پر بم یا مشکوک اشیاء نظر آنے پر ہیلپ لائن1124 پر اطلاع کی سہولت موجود ہے-

پنجاب کی بڑی شاہراؤں پر دوران سفر مدد یا رہنمائی کے لیے پنجاب ہائی وے پٹرول سے رابطہ کا سسٹم قائم کردیا گیا-مسافر گاڑی کی خرابی، ڈکیتی یا کسی بھی ہنگامی صورت میں مدد کے لئے 1124 پر کال کر سکتے ہیں -پبلک ٹرانسپورٹ پر اوورلوڈنگ اورغیر محتاط ڈرائیونگ کے بارے 1124 پر اطلاع پر فوری کارروائی ہوگی- پنجاب کی کسی بھی شاہراہ پر سفر کے دوران مسافر طبی امداد کے لئے بھی ہیلپ لائن پر کال کرسکتے ہیں –

ہیلپ لائن پر کال کی صورت میں ہائی وے پٹرولنگ سٹاف کے نامناسب رویہ کا بھی ازالہ کیا جائے گا- 1124 پر قیدیوں سے ملاقات یا ضروری سامان کی فراہمی میں دشواری کی صورت میں شکایت کا اندراج ممکن ہوسکے گا-جیل کے عملہ کے نامناسب رویے اور رشوت طلب کرنے پربھی 1124 پر شکایت کی جا سکتی ہے-سیکیورٹی گارڈز یا سیکورٹی کمپنیز سے متعلق ہیلپ لائن پر شکایات کا ازالہ فوری ممکن ہوگا-سیکیورٹی گارڈ کومقررہ اجرت سے کم تنخواہ ملنے کی شکایت پر سیکیورٹی کمپنی کے خلاف بھی کارروائی ہوگی-