اسلام آباد (31 مئی 2025): متحدہ عرب امارات کے ویزے کے خواہشمند افراد کے لیے اماراتی سفارتخانہ اسلام آباد نے ایک اہم اعلامیہ جاری کیا ہے۔ اعلامیے کے مطابق 2 جون 2025 سے صرف وہی درخواست گزار سفارتخانے میں داخل ہو سکیں گے جن کے پاس بایومیٹرک اپوائنٹمنٹ ہو گی۔
ویزہ اپوائنٹمنٹ کے لیے نئی ہدایات:
-
درخواست سے قبل فیس جمع کرانا لازمی
ویزہ اپوائنٹمنٹ حاصل کرنے سے پہلے درخواست گزاروں کو بینک الفلاح میں 69 امریکی ڈالر جمع کرانا ہوں گے۔ فیس کی رسید اپوائنٹمنٹ کے وقت ساتھ لانا ضروری ہے۔ -
ضروری دستاویزات ساتھ لانا لازم
اپوائنٹمنٹ کے وقت آن لائن اپ لوڈ کی گئی تمام دستاویزات کی پرنٹ شدہ نقول بھی ساتھ لانا ہوں گی۔ -
اپوائنٹمنٹ کوڈ نہ ملنے کی صورت میں فوری رابطہ کریں
اگر ویزہ درخواست مکمل کرنے کے باوجود اپوائنٹمنٹ کوڈ موصول نہ ہو، تو فوری طور پر Eimass ہیلپ لائن پر رابطہ کریں:📞 ایماس ہیلپ لائن: +971 2 418 6999
کوڈ کی تصدیق کے بعد اسے ای میل یا SMS کے ذریعے فراہم کیا جائے گا۔ -
اپوائنٹمنٹ حاصل کرنے کا طریقہ
اپوائنٹمنٹ کوڈ اور پاسپورٹ نمبر کے ذریعے درج ذیل ویب سائٹ پر جا کر اپوائنٹمنٹ حاصل کی جا سکتی ہے:
https://visa.mofa.gov.ae/individual/Index.aspx -
سپانسرز کے لیے علیحدہ پورٹل
جو افراد اپنے زیر کفالت افراد کے لیے اپوائنٹمنٹ لینا چاہتے ہیں، وہ علیحدہ پورٹل استعمال کریں:
https://visa.mofa.gov.ae/Sponsor/Index.aspx
اہم یاد دہانی:
تمام درخواست گزار اور سپانسرز کو ہدایت کی گئی ہے کہ وہ اپوائنٹمنٹ سسٹم میں درست معلومات درج کریں اور بایومیٹرک کے لیے اپنے وقت کی صحیح منصوبہ بندی کریں تاکہ کسی قسم کی تاخیر یا مشکلات سے بچا جا سکے۔
