وزیر اعظم شہباز شریف کا اقوام متحدہ میں خطاب: غزہ اور کشمیر کے مسائل پر زور

اسلام آبا د (نیوز ڈیسک)وزیر اعظم شہباز شریف نے اقوام متحدہ کی جنرل اسمبلی میں غزہ میں جاری اسرائیلی جارحیت اور مسئلہ کشمیر پر خطاب کیا۔ انہوں نے کہا کہ غزہ میں بے گناہ افراد، خاص طور پر بچوں کا قتل عام جاری ہے، جس کی مذمت کافی نہیں، بلکہ فوری اقدامات کی ضرورت ہے۔

وزیر اعظم نے قائد اعظم کے امن کے پیغام کا حوالہ دیتے ہوئے کہا کہ پاکستان اپنے فلسطینی بھائیوں کے ساتھ کھڑا ہے۔ انہوں نے عالمی برادری پر زور دیا کہ وہ فلسطینیوں کے حقوق کا دفاع کرے اور 1967 کی سرحدوں پر آزاد فلسطینی ریاست کا قیام عمل میں لائے۔

کشمیر کے مسئلے پر بات کرتے ہوئے، وزیر اعظم نے کہا کہ کشمیری عوام کی جدوجہد آزادی جاری ہے اور ان کے حق خود ارادیت کا احترام کیا جانا چاہیے۔ بھارت کی جانب سے کشمیریوں پر ہونے والے مظالم کی بھی سخت مذمت کی گئی۔

وزیر اعظم نے موسمیاتی تبدیلیوں اور عالمی مالیاتی نظام کی اصلاحات پر بھی روشنی ڈالی، اور پاکستان کے ترقیاتی منصوبوں، بشمول سی پیک، کی کامیابیوں کا ذکر کیا۔ ان کا کہنا تھا کہ عالمی تعاون کے ذریعے دہشت گردی اور موسمیاتی چیلنجز کا مقابلہ ممکن ہے۔

پاکستان کا آڈیٹر جنرل ایشیائی سپریم آڈٹ بورڈ کا رکن منتخب، ملک کی بین الاقوامی حیثیت میں اضافہ