سعودی عرب کی شہزادی نورہ بنت بندر قضائے الہٰی سے انتقال کر گئیں ان کی نماز جنازہ مسجد الحرام میں ادا کی گئی۔
سعودی ایوان شاہی کے جاری بیان کے مطابق شہزادی نورہ بنت بند بن محمد آل عبدالرحمان آل سعودی مختصر علالت کے بعد جمعرات کے روز خالق حقیقی سے جا ملیں۔
ان کی نماز جنازہ مسجد الحرام میں ادا کی گئی اور مکہ مکرمہ کے قبرستان میں سپرد خاک کیا گیا۔ ان کی نماز جنازہ اور تدفین میں شاہی خاندان سمیت اعلیٰ حکام اور معزز شہریوں نے شرکت کی۔
شاہی محل سے جاری بیان میں متوفیہ کے لیے رحمت، مغفرت اور بلندی درجات کے علاوہ لواحقین کے لیے صبر کی دعا کی درخواست کی گئی ہے۔
