لاہور(نیوزڈیسک)وفاقی وزیر عبدالعلیم خان نے کہا ہے کہ پی آئی اے کی نجکاری کا عمل بہت اچھا چل رہا ہے، نجکاری کے لیے 6 کمپنیاں ہم سے رابطے میں ہیں۔
لاہور میں پاکستان فٹ ویئر مینوفیکچررز ایسوسی ایشن کی تقریب سے خطاب کرتے ہوئے عبدالعلیم خان نے کہا کہ کمپنیاں پاکستانی ہیں جو کنسورشیم بنا کر اس پراجیکٹ کو چلائیں گی۔
مزید پڑھیں:پاک چین تجارت سے ایک ارب ڈالر کا اضافہ، تعاون کے نئے دروازے کھولیں گے،عبدالعلیم خان
عبدالعلیم خان کا کہنا ہے کہ آپریٹر کے طور پر بیرون ملک سے کمپنی لائی جائے تو وہ بھی اچھا ہے، پی آئی اے کی نجکاری سے بہت بہتری آئے گی۔
انہوں نے کہا کہ چینی کمپنیاں ہمارے ساتھ جوائنٹ وینچرز میں آ رہی ہیں، پرائیویٹ سیکٹر صنعت کو فروغ دینے میں مؤثر کردار ادا کر سکتا ہے۔
وفاقی وزیرنے کہا کہ حکومت صنعت کاروں کو سہولتیں فراہم کرے گی۔
