ڈیرہ اسماعیل خان(نمائندہ خصوصی)پاکستان کو عالم اسلام کی پہلی جوہری طاقت بننے کے 26 سال مکمل ہو گئے۔
ان خیالات کا اظہار وائس چانسلر زرعی یونیورسٹی پروفیسر ڈاکٹر شکیب اللہ نے اپنے بیان میں کیا انہوں نے کہا کہ 26 برس قبل اسی روز پاکستان نے بھارتی ایٹمی دھماکوں کے جواب میں اپنی جوہری طاقت کا مظاہرہ کیا تھا، یہ وہ یادگار دن ہے جب پاکستان نے مسلم دنیا کی پہلی اور دنیا کی 7 ویں ایٹمی طاقت بننے کا اعزاز حاصل کیا تھا اور اسی دن کو یوم تکبیر کے نام سے یاد کیا جاتا ہے۔وائس چانسلر زرعی یونیورسٹی ڈیرہ اسما عیل خان پروفسیر ڈاکٹر شکیب اللہ نے کہا کہ 28 مئی 1998 کو پاکستان نے بلوچستان کے علاقے چاغی میں دھماکوں کے ذریعے بھارت کے ایٹمی دھماکوں کا جواب دیا تھا، بلوچستان کے پہاڑوں سے پاکستان کی عظمت کا اعلان ہوا تو دشمن کے عزائم خاک میں مل گئے ۔
چاغی کے پہاڑوں پر اللہ و اکبر کا نعرہ بلند ہوا جسے پوری دنیا میں سنا گیا، وطن عزیر پر حملہ کی خواہش لیے بھارتی حکومت کو جیسے سانپ سونگھ گیا۔پاکستان کے ایٹمی دھماکوں سے نہ صرف ملکی سرحدیں محفوظ ہوئیں بلکہ دشمن کا تکبر بھی خاک میں مل کر رہ گیا۔وائس چانسلر زرعی یونیورسٹی ڈیرہ اسما عیل خان پروفسیر ڈاکٹر شکیب اللہ نے کہا کہ پاکستان کو ایٹمی دھماکوں سے روکنے کیلئے دنیا بھر کے دباؤ کا سامنا بھی کرنا پڑا ۔
اس دن خاص طور پر وطن عزیز کے دفاع کو مضبوط کرنے کیلئے قربانیاں دینے والے عظیم شہداء کو بھی خراج عقیدت پیش کیا جاتا ہے۔
وائس چانسلر زرعی یونیورسٹی ڈیرہ اسما عیل خان پروفسیر ڈاکٹر شکیب اللہ نے کہا کہ جذبہ ایمانی اور پیشہ ورانہ صلاحیتوں سے سرشار پاک فوج آج ہی کے دن ایٹمی ہتھیاروں سے مسلح ہوگئی تھی، جو اب دشمن کی ہر جارحیت اور خطرے کا مقابلہ کرنے کی بھرپور صلاحیت بھی رکھتی ہے۔
