سکھر(نیوزڈیسک)میونسپل کارپوریشن کی جانب سے شہر کے مختلف مقامات پر ہیٹ اسٹروک کیمپ قائم،منتظمین کیمپ کی جانب سے شہریوں ٹھنڈا پانی ،شربت و جوس پلایا جانے لگا،انتظامیہ کی جانب سے شہریوں کو گرمی سے بچاؤ رکھنے کی اپیل
تفصیلات کے مطابق ملک کے دیگر شہروں کی طرح سکھر اور اسکے گرد نواح کے مختلف علاقوں میں گرمی کی شدت میں اضافہ اور شہریوں کو ہیٹ اسٹروک سے بچانے کیلئے سکھر کی مختلف سماجی تنظیموں سمیت بلدیہ اعلیٰ سکھرکے مئیر بیئرسٹر ارسلان اسلام شیخ ، میونسپل کمشنر سکھر محمد علی شیخ کی خصوصی ہدایات پر شہریوں کو ہیٹ اسٹروک سے بچانے کیلئے شہر کے مختلف مقامات و شاہراؤں پرشربت و ٹھنڈے پانی کی سبیلیں و دیگر نگداہشت کیمپ لگانے کا سلسلہ جاری ہے۔
بلدیہ اعلی سکھر کی جانب سے شہر کے مصروف ترین تجارتی و کاروباری علاقے ایوب گیٹ گھنٹہ گھر چوک، ڈولفن چوک ، پرانہ سکھر جیل موڑ نیو پنڈ و سکھر کے دیگر مقامات پر عوام کیلئے بڑھتی ہوئی گرمی کی شدت اور ہیٹ اسٹروک سے بچاؤ کیلئے شربت و ٹھنڈے پانی کا کیمپ لگایا گیا اوراور شہریوں کو ٹھنڈا شربت و پانی پیش کیا گیا ۔
اس موقع پر یوسی چار کے چئیرمین یاسین آرائیں کی جانب سے کیمپ میں آئے روز نت نئے جوس ،لسی،شربت ،فالسہ ،تھادل و دیگر مشروبات سے نوازا جارہاہے منتظمین کیمپ کی جانب سے شہریوں سے اپیل کی ہے کہ وہ گرمی سے بچاؤ کیللئے احتیاطی تدابیر استعمال کریں اور غیر ضروری گھر سے نکلنے پر اجتناب برتیں۔
