لاہور(نمائندہ خصوصی)سی سی پی اولاہوربلال صدیق کمیانہ کی زیر صدارت اہم اجلاس ہوا۔
اجلاس میں امن و امان کی مجموعی صورتحال سمیت دیگر پیشہ ورانہ امور کا جائزہ لیا گیا۔
سی سی پی او لاہورنے منشیات اور بجلی چوری کے زیر تفتیش مقدمات کو جلد سے جلد یکسو کرنے کی ہدایت کی۔
سی سی پی او لاہور نے ڈویژنل ایس پیز کو محرم الحرام کی آمد کے پیش ِ نظر بہترین سکیورٹی انتظامات کیلئے تمام سٹیک ہولڈرز سے میٹنگز کرنے کی ہدایت بھی کی ۔
بلال صدیق کمیانہ نے بچوں اور عورتوں کو ڈھال بنا کر بھیک منگوانے والے پیشہ ور منظم گروہوں کے خلاف کریک ڈاؤن کا حکم دے دیا۔
انہوں نے گداگروں کے ٹھیکیداروں کے گرد گھیرا تنگ کرن کی ہدایت بھی کی ۔
انہوں نے کہاکہ بچوں کو آلہ کار بناکر بھیک منگوانے والے گداگر مافیا کو قانون کے شکنجے میں لایا جائے
ان کا کہناتھا کہ سنگین مقدمات حل کرنے کے لیے فرانزک شواہد، پنجاب سیف سٹیزاتھارٹی کے کیمروں اور جدید ٹیکناجی سے بھرپور استفادہ کیا جائے۔ مجرموں کو کیفرکردار تک پہنچانے کیلئے انویسٹی گیشن کا معیار مزید بہتر بنائیں۔ خطرناک مجرمان کو قرار واقعی سزائیں دلوا کر شہریوں کو انصاف کی بلا تاخیر فراہمی یقینی بنائی جائے۔
اجلاس میں ڈی آئی جی(انوسٹی گیشن) ذیشان اصغر، ڈی آئی جی(آگنائزڈ کرائم یونٹ) عمران کشور،ڈی آئی جی(آپریشنز) فیصل کامران،ایس ایس پی(انوسٹی گیشن)انوش مسعود چوہدری اور ڈویژنل ایس پیز نے شرکت کی ۔
