اسلام آباد(نیوزڈیسک)(لاہور) سوئی ناردرن کے تحت پنجاب، خیبر پختو نخواہ اور اسلام آباد کے مختلف علاقوں میں گیس چوری کے خلاف جاری کریک ڈاؤن کے دوران مزید 42 گیس کنکشن منقطع کردیے. جبکہ 28 لاکھ سے زائد کے جرمانےبھی عائد کیے گئے۔
سوئی ناردرن گیس نے لاہور میں گیس کے غیر قانونی استعمال پر 12 جبکہ کمپریسر کے استعمال پر 2 گیس کنکشن منقطع کیے گئے مزید 2 لاکھ 30 ہزار کےجرمانےبھی عائد کیےگئے۔مردان میں ریجنل ٹیم نے گیس کے غیر قانونی استعمال پر 05 گیس کنکشن منقطع کیے گئے اور 2 لاکھ کے جرمانے بھی عائد کیے گئے۔
سوئی ناردرن گیس نے کرک میں میٹر سے چھیڑ چھاڑ، گیس کے براہ راست استعمال، غیر قانونی کنکشن پر 06 گیس کنکشن منقطع کیے اور 20 لاکھ کے جرمانے بھی عائد کیے گئے۔ ملتان میں ٹیم نے گیس کے غیر قانونی استعمال پر 07 جبکہ کمپریسر کے استعمال پر ایک گیس کنکشن منقطع کیے گئے۔
فیصل آباد میں گیس کے غیر قانونی استعمال پر 02 گیس کنکشن منقطع کیے گئے اور 70 ہزار کے جرمانے بھی عائد کیے گئے۔ شیخو پورہ میں گیس کے غیر قانونی استعمال پر 05 گیس کنکشن منقطع کیے گئے 40 ہزار کے جرمانے بھی عائد کیے گئے۔ گجرات میں گیس کے غیر قانونی استعمال پر 1 گیس کنکشن منقطع کیا گیا اور 400 کے جرمانے بھی عائد کیے گئے۔ گوجرانوالہ میں کمپریسر کےاستعمال پر ایک گیس کنکشن منقطع کیا گیا اور 3 لاکھ 10 ہزار کے جرمانے بھی عائد کیے گئے۔
