ایس ای سی پی نے ڈیجیٹل لینڈنگ کمپنیوں کے ریگولیٹری فریم ورک میں ترامیم کر دیں
اسلام آباد(سٹاف رپورٹر)سکیورٹیز اینڈ ایکسچینج کمیشن آف پاکستان کی ڈیجیٹلائزیشن کے دوسرے مرحلے کا آغاز کر دیا گیا ہے جس کے تحت ریگولیٹری منظوریوں اور لائسنسنگ کے نظام کو خودکار بنایا جائے گا۔
ڈیجٹلائزیشن کے دوسرے مرحلے میں سب سے پہلے انشورنس کمپنیوں کی لائسنسنگ اور ریگولیٹری منظوریوں کی آٹومیشن کی جائے گی جس کے بعد مرحلہ وار نان بینکنگ فائنانس کمپنیوں، سکیورٹیز مارکیٹ، اور سیکشن 42 کمپنیوں کی مکمل آٹومیشن ہو گی۔ ڈیجیٹلائزیشن کے پہلے مرحلے میں ایس ای سی پی نے کامیابی کے ساتھ نئی کارپوریٹ رجسٹری، "eZfile” کا اجراء کیا، جو کہ کمپنی کی رجسٹریشن اور پوسٹ کارپوریشن فائلنگ کے لیے ایک جدید اور صارف دوست آن لائن پورٹل ہے۔
ڈیجیٹائزیشن کے دوسرے مرحلے کو شروع کرنے کے لیےایس ای سی پی نے اپنے ٹیکنالوجی پارٹنر ٹیکلوجکز پاکستان اور پروجیکٹ کنسلٹنٹس ارنسٹ اینڈ ینگ کے ساتھ مل کر تمام متعلقہ اسٹیک ہولڈرز کے لیے موضوعی ورکشاپ منعقد کی گئی جس میں مختلف ریگولیتری پراسیس کے ؤن لائن سلوشن تجویز کئے گئے اور شراکاء سے ان کی آراء لی گئیں۔ اس ورکشاپ کا مقصد صارف کی ضروریات کو سمجھنا اور اطمینان بخش حل فراہم کرنا ہے۔
اس موقع پر شرکاء سے خطاب کرتے ہوئے، ایس ای سی پی کے چیئرمین عاکف سعید نے کہا کہ ایس ای سی پی اپنے تمام ریگولیٹری پراسیس میں شفافیت اور جوابدہی کو یقینی بنانے کے ساتھ ساتھ کاروبار کرنے میں آسانی پیدا کرنے، ریگولیٹری سہولت کو یقینی بنانے اور صارفین کو زیادہ سے زیادہ آسانی فراہم کرنے کےلئے کوشاں ہے۔ ایس ای سی پی کے کمشنر انفارمیشن سسٹمز اینڈ ٹیکنالوجی عامر خان نے کہا کہ ایس ای سی پی اپنے سسٹم اور وسائل کو اپ گریڈ کر رہا ہے تاکہ جدید ترین ٹیکنالوجی اور ڈیٹا پر مبنی فیصلہ سازی کی جا سکے۔
ورکشاپ میں ایس ای سی پی، سی ڈی سی، میوچل فنڈز، بروکرز، سرویئرز اور دیگر ریگولیٹڈ اداروں کے شرکاء نے مختلف ڈیجیٹل سلوشنز اور ریگولیٹری منظوریوں اور لائسنسنگ کے مجوزہ آن لائن طریقہ کار بارے اپنی تجاویز دیں۔
سیکورٹی ایکسچینج کمیشن نےڈیجیٹل لینڈنگ کمپنیوں کے ریگولیٹری فریم ورک میں ترامیم بھی کردیں
سکیورٹیز اینڈ ایکسچینج کمیشن آف پاکستان نے ڈیجیٹل ایپس کے لئے قرض فراہم کرنے والی نان بینکنگ فنانس کمپنیوں کے ریگولیٹری فریم ورک میں اہم ترامیم متعارف کروا دیں ہیں ۔ نئے فریم ورک میں کمپنیوں نئی مالیاتی پروڈکٹس جیسے اقساط پر اشیاء کی خریداری (ایمبیڈڈ فنانس ) ، بعد از خریداری قیمت کی اقساط میں ادائیگی ، اور نجی کمپنیوں کی ملازمین کو ایڈوانس تنخواہ وغیرہ کی سہولت متعارف کروا سکیں گے۔
ایس ای سی پی نے نان بینکنگ سیکٹر کے اسٹیک ہولڈرز کی مشاور ت کے ساتھ ڈیجیٹغل لینڈنگ کے شعبے میں جدت لانے اور صارفین کے تحفظ کو یقینی بنانے کے لیے موجودہ فریم ورک کا از سر نو جائزہ لیا اور نئے تقاضوں پر مشتمل سرکلر 12 جاری کر دیا ہے۔ نئے سرکلر میں پہلے سے جاری کئے گئے سرکلرز کے تقاضوں کو بھی مجتمع کر دیا گیا ہے۔
نظرثانی شدہ فریم ورک میں قرض لینے والوں کی ضروریات کو مد نظر رکھتے ہوئے ، قرض کی شرائط اور معلومات کی فراہمی اور سائبر سیکیورٹی کے تقاضوں کو مزید مستحکم و مربوط بنایا گیا ہے ۔ علاوہ ازیں ، ان ڈیجیٹل لینڈنگ کمپنیوں کو چھوٹے اور درمیانے درجے کے کاروباری اداروں کے لیے بزنس ٹو بزنس فنانسنگ اور دیگر مالیاتی پراڈکٹ بھی متعارف کروا سکیں گے۔
