اسلام آباد(کورٹ رپورٹر)عدالت نےسابق وزیراعلیٰ پرویزالٰہی کوانکی مرضی کےمطابق طبی سہولیات فراہم کرنےکاحکم دےدیا۔
تفصیلات کےمطابق اسلام آباد ہائی کورٹ نےپرویز الٰہی کو ہسپتال منتقل کرنے یا گھر کو سب جیل قرار کی درخواست پر محفوظ فیصلہ جاری کردیا۔
اسلام آبادہائیکورٹ کےجسٹس ارباب محمد طاہر نےقیصرہ الٰہی کی درخواست پر محفوظ فیصلہ سنادیا۔
اسلام آباد ہائیکورٹ نےپرویز الٰہی کو 15 روز میں ہاؤس اریسٹ کرنے کا حکم دےدیا۔
عدالت نےوزارت داخلہ کو پندرہ دنوں میں پرویز الٰہی کو ہاؤس اریسٹ کا پروسیجر مکمل کرنے کا حکم بھی دیا۔
پرویز الٰہی کو ہسپتال منتقل کرنے یا گھر کو سب جیل قرار کی درخواست منظور
جسٹس ارباب محمد طاہرنےریمارکس دئیےکہ پرویز الٰہی کی عمر 78 سال ہے، علاج سے متعلق معاملہ بھی دیکھ لیں۔
عدالت نےپرویز الٰہی کو انکی مرضی کے مطابق طبی سہولیات فراہم کرنے کا حکم دےدیا۔
پرویز الٰہی کو طبعی معائنے اور سب جیل منتقلی درخواست کا تحریری فیصلہ جاری۔
اسلام آباد ہائیکورٹ نے وزارت داخلہ کو قیصرہ الٰہی کی درخواست پر فیصلہ کرنے کی ہدایت کردی، اگر سیکریٹری داخلہ کے دائرہ کار میں ہے اس درخواست کو فیصلہ کریں ، اگر وزارت داخلہ کے دائرہ کار میں نہیں تو مجاز اتھارٹی کو درخواست دو دن میں بھیجیں ،مجاز اتھارٹی قانون کو مد نظر رکھ کر قیصرہ الٰہی کی درخواست پر فیصلہ کرے ، پمز ہسپتال سے چیک اپ کے حوالے سے سپریڈنٹ اڈیالہ جیل پرویز الٰہی کو سہولت فراہم کریں گے ،سپریڈنٹ جیل پرویز الٰہی کے اطمینان کے مطابق ان کو طبی معائنے کی سہولت فراہم کرے ، ایک ہفتے میں ایک دفعہ پرویز الٰہی کی فیملی ، ڈاکٹر کو ملنے کی اجازت دی جائے ۔
عدالت نےکہاپرویز الٰہی کی درخواستوں پر فیصلہ کرتے وقت خادم حسین اور شہباز شریف کے عدالتی فیصلوں کو مدنظر رکھا جائے۔
فیصلہ میں لکھاکہ پرویز الٰہی نے سیکرٹری داخلہ اور ایڈیشنل سیکرٹری داخلہ پنجاب کو درخواستیں دے رکھی ہیں۔
عدالت نےسیکرٹری داخلہ کو پرویز الٰہی کی درخواست زیر غور لا کر فیصلہ کرنے کی ہدایت کی۔
عدالت نےکہا اگر معاملہ سیکرٹری داخلہ کے دائرہ اختیار میں نہیں آتا تو معاملہ دو دن میں متعلقہ فورم کو بھجوائیں،متعلقہ فورم پرویز الٰہی کی درخواست پر قانون کے مطابق 14 دنوں میں فیصلہ کرے۔
فیصلہ کہ مطابق سپریٹنڈنٹ اڈیالہ جیل پرویز الٰہی کی پمزہسپتال سے میڈیکل چیک اپ کے لیے سہولت فراہم کریں،پرویز الٰہی سزا یافتہ نہیں، انڈرٹرائل قیدی اورعمر78 سال ہے، ان کی تسلی کے مطابق طبی سہولیات دی جائیں،پرویز الٰہی کو جیل میں ہر ہفتے ذاتی معالج سے طبی معائنے کی اجازت بھی دی جائے۔
