فلم تشہیر کےلیے پانی والے بل بورڈ نے لوگوں کو حیران کردیا

ایک نئی تشہیری مہم نے ظاہر کیا ہے کہ آج کے دور میں صرف جامد پوسٹرز اور سادہ بل بورڈز کافی نہیں رہے۔ ہالی ووڈ میں نصب یہ جدید بل بورڈ اشتہاری دنیا میں ایک نیا تجربہ پیش کر رہا ہے۔
فیلڈ مارشل سید عاصم منیر کی بطور چیف آف ڈیفنس فورسز تعیناتی کی سمری منظور
مشہور ویب سیریز ڈزنی پلس کی ’’Percy Jackson and the Olympians‘‘ کے دوسرے سیزن کی تشہیر کے لیے لاس اینجلس کے ہالی ووڈ اور وائن کے چوراہے پر یہ بل بورڈ نصب کیا گیا، جو کوئی عام اشتہار نہیں بلکہ ایک مکمل ’’واٹر انسٹالیشن‘‘ ہے۔ اس میں پانی، دھند اور چھوٹے فوارے شامل کیے گئے ہیں جو دیکھنے والوں کو فوراً اپنی جانب کھینچ لیتے ہیں۔

یہ بل بورڈ ایک فنکشنل واٹر ٹینک کی طرح ڈیزائن کیا گیا ہے، جس میں مسلسل بہتے پانی کے ساتھ چھوٹے فوارے اور دھند کے اثرات شامل ہیں۔ جب سیزن 2 کا ٹریلر چلتا ہے تو پانی سڑک کی جانب بہنے لگتا ہے، جس سے محسوس ہوتا ہے کہ ایک چھوٹی دریا کی لہر واقعی وہاں موجود ہے۔ اس منفرد انداز نے بل بورڈ کو ایک جامد اشتہار سے ہٹ کر ایک جاندار اور جذباتی تجربہ بنا دیا ہے۔

یہ اشتہاری تجربہ دیکھنے والوں کی دلچسپی کا مرکز بن گیا ہے۔ لوگ رک کر ویڈیوز بنا رہے ہیں، تصاویر کھینچ رہے ہیں اور سوشل میڈیا پر اسے ’’تخلیقی بل بورڈ‘‘، ’’حقیقت اور فینٹسی کا ملاپ‘‘ اور ’’سب سے پاگل اشتہار‘‘ قرار دے کر سراہ رہے ہیں۔ اس نے ثابت کیا کہ اشتہار صرف تصویر نہیں، بلکہ جذبات اور احساسات کا امتزاج بھی ہو سکتا ہے۔

تاہم، کچھ صارفین نے خدشہ ظاہر کیا ہے کہ اگر تشہیر اتنی متاثر کن اور مہنگی ہے تو سیریز خود بھی اسی معیار کی ہونی چاہیے۔ ان کے مطابق صرف دیدہ زیب بل بورڈ کافی نہیں، کہانی، اداکاری، پروڈکشن ویلیو اور مواد کی گہرائی بھی تشہیر کے معیار پر پورا اترنی چاہیے۔

پرسی جیکسن اینڈ دی اولمپئن، سیزن 2، مصنف رِک ریوڈان کے ناول ’’دی سی آف مونسٹرز‘‘ پر مبنی ہے اور یہ 10 دسمبر 2025 کو ڈزنی پلس پر ڈیبیو کرے گا۔ اس نئے سیزن کے لیے یہ بل بورڈ بالکل موزوں پیش لفظ ثابت ہو رہا ہے کیونکہ پانی، فوارے، دھند کے اثرات اور روشنیاں سیریز کی تھیم یعنی یونانی دیوتاؤں اور سمندر کی مہم سے میل کھاتی ہیں۔