سربراہ جمعیت علمائے اسلام مولانا فضل الرحمان نے کہا ہے کہ آئینی ترامیم عوام کی خواہشات کے بجائے بڑے لوگوں کی مرضی سے کی جا رہی ہیں اور ضرورت پڑی تو اسلام آباد کا رخ کریں گے۔
تعلیمی اداروں میں موسم سرما کی تعطیلات کا شیڈول جاری کر دیا گیا
مردان میں تکمیل حفظ القرآن کریم الجامعہ الاسلامیہ کی تقریب سے خطاب کرتے ہوئے مولانا فضل الرحمان نے کہا کہ یہ ملک امن، بھائی چارے اور آزادی کی علامت ہونا چاہیے تھا، مگر آج آئین کو کھلونا بنا دیا گیا ہے۔ انہوں نے خبردار کیا کہ اگر صوبوں کے حقوق پر ڈاکا ڈالا گیا تو بھرپور مزاحمت کریں گے۔
ان کا کہنا تھا کہ عوام کی خواہشات پر شب خون مارا جا رہا ہے اور 27 ویں ترمیم کے لیے لوگوں کو خرید کر دو تہائی اکثریت حاصل کی گئی، جس کے نتیجے میں کھوکھلی اکثریت سے ترمیم منظور ہوئی۔
مولانا فضل الرحمان نے مزید کہا کہ ٹرمپ کے ہاتھوں فلسطینیوں کا خون بہ رہا ہے اور شہباز شریف ٹرمپ کو امن کا نوبیل انعام دینے کی بات کر رہے ہیں۔ ان کا کہنا تھا کہ جنگ کی باتوں سے مسائل حل نہیں ہوں گے اور پاکستان اور افغانستان کو اپنے رویوں پر نظر ثانی کرنی چاہیے۔
