پشاور: خیبر پختونخوا حکومت نے ہری پور میں حال ہی میں ہونے والے ضمنی الیکشن میں مبینہ دھاندلی کی شکایات پر انکوائری کرنے کا فیصلہ کیا ہے۔
معاون خصوصی برائے اطلاعات خیبر پختونخوا شفیع جان نے کہا کہ وزیراعلیٰ سہیل آفریدی نے ہری پور ضمنی الیکشن کی مکمل انکوائری کا حکم دیا ہے، جس میں کلاس فور سے لے کر ڈپٹی کمشنر تک شامل ہوں گے اور اگر کوئی ملوث پایا گیا تو سخت کارروائی کی جائے گی۔
اگلے 72 گھنٹوں میں صوبہ پنجاب میں منشیات کا خاتمہ کر دیا جائے گا ،سی سی ڈی کے سربراہ کا اعلان
شفیع جان نے کہا کہ ہمیں یقین ہے کہ ہمارے ماتحت افسران ملوث نہیں، پھر بھی انکوائری کی جا رہی ہے۔ ان کا کہنا تھا کہ سہیل آفریدی نے جس طرح انتخابات کا انعقاد کروایا، اس کی مثال کم ہی ملتی ہے۔
انہوں نے مزید بتایا کہ الیکشن کمیشن کو ہری پور الیکشن میں دھاندلی سے متعلق ریفرنس بھی بھیجا جائے گا، اور پریزائیڈنگ افسران کے بیانات قلم بند کیے جا رہے ہیں جبکہ حلفیہ بیانات بھی لیے جا رہے ہیں۔
یاد رہے کہ ہری پور کے قومی اسمبلی حلقہ این اے 18 میں ہونے والے ضمنی الیکشن میں پی ٹی آئی رہنما عمر ایوب خان کی اہلیہ کو مسلم لیگ ن کے بابر نواز خان نے شکست دی تھی۔ پاکستان تحریک انصاف نے الزام عائد کیا تھا کہ ان کا حمایت یافتہ امیدوار تقریباً 25 ہزار ووٹوں سے جیتا، مگر فارم 47 میں اسے ہرا دیا گیا۔
