بھارت کے معروف پنجابی گلوکار حرمن سدھو ایک ٹریفک حادثے میں ہلاک ہو گئے ہیں۔
بھارتی میڈیا رپورٹس کے مطابق 37 سالہ گلوکار کی گاڑی تیز رفتاری کے باعث ایک ٹرک سے جا ٹکرائی، جس کے نتیجے میں وہ موقع پر ہی جاں بحق ہو گئے۔
وفاقی آئینی عدالت کی آفیشل ویب سائٹ لانچ، تمام ججز کی پروفائلز اورکازلسٹ دستیاب
گھر والوں کے مطابق گلوکار کام سے واپس گھر آ رہے تھے اور اس دوران تیز رفتاری کے باعث ان کی گاڑی ٹرک سے اس قدر شدت سے ٹکرائی کہ گاڑی مکمل طور پر تباہ ہو گئی جبکہ گلوکار کی لاش بھی ناقابل شناخت ہو گئی۔
پولیس نے واقعے کی وجوہات جاننے کے لیے تحقیقات شروع کر دی ہیں جبکہ گھر والوں نے ہلاکت کی تصدیق کر دی ہے۔ پولیس کے مطابق اسپتال میں ضابطے کی کارروائی کے دوران گلوکار کی شناخت دستاویزات کی مدد سے ممکن ہو سکی۔
گلوکار کی اچانک موت پر موسیقی کی صنعت اور ان کے مداح صدمے میں ہیں۔ انہوں نے گھر والوں سے تعزیت کا اظہار کیا ہے جبکہ سدھو کو ان کی خدمات کے اعتراف میں خراج تحسین پیش کیا جا رہا ہے۔
بھارتی میڈیا کے مطابق ہرمن سدھو کا شمار بھارتی پنجاب کے معروف گلوکاروں میں ہوتا تھا اور انہیں ‘پیر یا پیار’ گانے سے خاصی شہرت حاصل ہوئی تھی۔
گلوکار کے ساتھیوں کا کہنا ہے کہ ہرمن سدھو تخلیقی صلاحیتوں کے مالک تھے اور محنت کرنے والے فنکار تھے، جس کی وجہ سے انہوں نے کم عمری میں ہی موسیقی کی صنعت میں اپنا نام بنا لیا تھا۔
